Pecché quanno mme vide,
te 'ngrife comm'a gatta?
Nenné', che t'aggio fatto,
ca nun mme vuó' vedé?
Io t'aggio amato tanto
E t'amo, e tu lo ssaje!
Io te voglio bene assaje
e tu, tu non pienze a me!
Io te voglio bene assaje
e tu non pienze a me!
La notte tutte dormeno,
e io che buo' durmire?!
Penzanno a Nenna mia,
mme sent' ascevolí!
Li quarte d'ora sonano
a uno, a doje, a tre...
Io te voglio bene assaje,
e tu non pienze a me!
Io te voglio, voglio bene assaje,
e tu non pienze a me!
Recordate lo juorno
ca stive a me becino,
e te scorreano nzino,
le lacreme, accossì.
Diciste a me: "Non chiagnere,
ca tu lu mio sarraje..."
Io te voglio bene assaje
e tu, tu non pienze a me!
Io te voglio bene assaje
e tu non pienze a me!
Io te voglio bene assaje
e tu non pienze a me!