Сенемін
Асыл арман жетелеумен
Бір бақытқа жетем деумен
Жүзіп келем өзенімен өмірдің
Талай таңдар армандаған
Арманына алданбаған
Бір бақытың барына мен сенемін.
Қ-сы
Көңілдің көгінен
Жүректің төрінен
Орын алғансың
Көктемдей көрікті ең
Сен маған неліктен?
Сағым армансың?!
Үміт үзбеймін күндерімнен
Қиялда сенімен біргемін мен
Жаныма жақын өзің ғана
Менен алыс жүргеніңмен
Ұсынғанмен қатты сынын
Тағдыр сыйлап тәтті мұңын
Жолығармыз махаббатың бағында
Оның несін жасырайын
Кездесуге асығамын
Айналады жас жүрегім жалынға