Şən Azərbaycan
Qoy mən yenə söhbet açım ilk baharımdan,
Nəğməm ilə bir də keçim öz diyarımdan,
Bol bəhrəli Muğan düzü, Mil düzü, Şirvan düzü
Gəl-gəl dəyir şən Azərbaycan...
Tər gülləri şəfalıdır, göy göl nə səfalıdır
Hər yanı gülşən Azərbaycan.
El qızları düzüm-düzüm Kür qırağında,
Min gül açıb Gəncəmizin hər budağında...
Dost elləri Qarabağın dağ vüqarlıdır,
Gen çölləri bu torpağın xoş baharlıdır.
Bol bəhrəli Muğan düzü, Mil düzü, Şirvan düzü
Gəl-gəl dəyir şən Azərbaycan...
Tər gülləri vəfalıdır, göy göl nə səfalıdır
Hər yanı gülşən Azərbaycan.
Hər damlası laylay çalan göy Xəzərim var.
Hər ulduzu nəğməm olan min şəhərim var.
Keçdim yenə çiçək-çiçək hər mahalımdan,
Öz yurdunun doymaz ürək yüz vüsalından.
Bol bəhrəli Muğan düzü, Mil düzü, Şirvan düzü
Gəl-gəl dəyir şən Azərbaycan...
Tər gülləri vəfalıdır, göy göl nə səfalıdır
Hər yanı gülşən Azərbaycan.
