Әнкәй, мин еламыйм!
-Озак кайтмый тордың, - диеп,
Әйтәсеңдер эчеңнән,
Беләм, әнкәй, чиләк чаклы
Сагыш суы эчелгән.
Кушымта:
Әнкәй, мин еламыйм, әнкәй,
Тозлы яңгыр явадыр.
Шул яңгырның тамчылары
Йөрәгеңә тамадыр.
Капка төпләренә чыгып
Бик кочасың киләдер.
Йөрәгеңә сагыш суны
Чиләк-чиләк сибәдер.
Кушымта:
Әнкәй, мин еламыйм, әнкәй,
Тозлы яңгыр явадыр.
Шул яңгырның тамчылары
Йөрәгеңә тамадыр.
Туган туфраклардан ерак
Араларда юллар бар.
Кайталмыйча иза чиккән,
Юллар түгел, еллар бар…
Кушымта:
Әнкәй, мин еламыйм, әнкәй,
Тозлы яңгыр явадыр.
Шул яңгырның тамчылары
Йөрәгеңә тамадыр.
