1. Виноградлы бакчаларда
Икәү бергә атлаганда.
Тәлгәше йөзем-йөзем:
Йөземнәр ике күзе.
Кушымта:
Виноград, йөзем, җиләк
Баллары телдә эри.
Алар матур парлар, диеп
Дөньяларда сүз йөри.
2. Виноград, йөзем, җиләк
Пешкән, өзәргә кирәк.
Йөзем, җиләк чакларыбыз -
Бергә булырга кирәк.
Кушымта:
Виноград, йөзем, җиләк
Җимешләрен өзәрмен.
Өзеләм, син, диеп, җаным.
Өзелсәм дә түзәмен.
3. Виноград, йөзем, җиләкләр
Тәлгәшләре кәрзиндә.
Бәхетем табылыр, диеп
Йөргәнбез син дә, мин дә.
Кушымта:
Виноград, йөзем, җиләк
Баллары телдә эри.
Алар матур парлар, диеп
Дөньяларда сүз йөри.
