Балапан кезден,
Даламды кезген,
Бабамның жұмақ мекені.
Тауы мен, тасын,
Жастанса басың,
Анамның құрақ, етегі.
Қиялға батып,
Қаймағын татып,
Туған жер сенің төріңде.
Ат қылған талды,
Балалық қалды.
Өзегіңменен, біріңдей.
Алыста қалған,
Туған жер, арман.
Кеудемнен сағым кетер ме?
Сағынта салған,
Дүние-ау жалған.
Әуелеп әнім, жетер ме?
Жайнаған көгім,
Ойнаған төлім,
Жұртымның байлық бесігі.
Жайқалған белім,
Шайқалған көлім.
Елімнің алтын бесігі.
Елесің көлде,
Кетемін шөлдеп.
Жасымда сауық,
Құрған жер.
Жанымды тербет,
Кеудемді кернеп.
Тұрғандай кел деп,
Қырдан жел.
Алыста қалған,
Туған жер, арман.
Кеудемнен сағым кетер ме?
Сағынта салған,
Дүние-ау жалған.
Әуелеп әнім, жетер ме?
Алыста қалған,
Туған жер, арман.
Кеудемнен сағын кетер ме?
Сағынта салған,
Дүние-ау жалған.
Әуелеп әнім, жетер ме?
.
