Бир жол бар айыл четинде,
Көргөндөрдүн эсинде.
Кербендер өтчү төө менен,
Эмнегедир кечинде.
аи-и-и-и
оу-у-у-у
Эмнегедир кечинде.
Чөп ташыган араба,
Тай, торпок минип бала да.
Ак жол менен барышкан,
Айылдыктар калаага.
аи-и-и-и
оу-у-у-у
Айылдыктар калаага.
Кырк чоросун башкарып,
Аккуласын аттанып.
Өткөн экен эр Манас,
Душманынан такталып.
аи-и-и-и
оу-у-у-у
Душманынан такталып.
Эсепсиз эл жыйылып,
Эрсинген душман кырылып.
Ушул жолдон өтүпүр,
Эр Семетей тыныгып.
аи-и-и-и
оу-у-у-у
Эр Семетей тыныгып.
Тоо таштарга жашынып,
Комтолу мылтык асынып.
Өткөн экен Кожожаш,
Сур эчкини качырып.
аи-и-и-и
оу-у-у-у
Сур эчкини качырып.
Падышага кагылып,
Колуна кишен салынып.
Комузун чертип мунайып,
Токтогул өттү зарыгып.
аи-и-и-и
оу-у-у-у
Токтогул өттү зарыгып.
Чоң эне, кимдер өтпдү,
Санасам эсеп жетпеди.
Согуштун кыйын жылында,
Эсимде атам кеткени.
аи-и-и-и
оу-у-у-у
Эсимде атам кеткени.
Куугум талаш болгондо,
Биз да чыгабыз ал жолго.
Жакындап бардым мен дагы,
Өткөндөр түштү ойлорго.
аи-и-и-и
оу-у-у-у
Өткөндөр түштү ойлорго.
