Ана тілім - тұғырым
Әні мен сөзі Б.Бейсенованікі
1. Ал ағайын-ағайын, жанның ашып сарайын
Ата баба салтымен, амандасып алайын
Ана тілін ардақтап, әсем әнге салайын,
Ана тілін ардақтап, әсем әнге салайын.
2. Ана тілін тұғырың, ұзақ болсын ғұмырың
Ұрпағынмен мың жасап, шарықтасын жыр-үнің
Татып әркез жүрейік, шешен сөздің шырынын,
Татып әркез жүрейік, шешен сөздің шырынын.
3. Ана тілім айбыным, ана тілім ай-күнім
Сусындатар елімді-ай, тұнық болсын айдының
Жанашырың көп болғай толғандырар жай-күйін,
Жанашырың көп болғай толғандырар жай-күйін.
4. Ана тілім қуатым, қайрат беріп тұратын
Алтын арай күнімсің шаттандырып шығатын
Ұмытпайық ағайын ата-баба мұратын,
Ұмытпайық ағайын ата-баба мұратын,
5. Ана тілін білмеген, бықсып жанған күлмен тең
Ана тілін білмеген солып қалған гүлмен тең
Ана тілін қастерлеп көтерейік құрметпен,
Ана тілін қастерлеп көтерейік құрметпен,
Ана тілім тұғырым, ұзақ болсын ғұмырың,
Ана тілім тұғырым, ұзақ болсын ғұмырың
