Ришат Тухватуллин и Алия Тинлэдем ^{Ожидает модерации}

1.
Тиңләдем мин сине иң шаян буранга
Син минем куеныма елыштың урамда
Җилләргә әйләнеп иңемә кагылдың
Син диеп онтылып җилләргә сарылдым

Тиңләдем мин сине иң җылы яңгырга
Тиңләдем кояшка, охшаттым давылга
Сагынудан чыгардай ашкынды йөрәгем
Мин сине бәхетнең үзенә тиңләдем

2.
Тиңләдем мин сине язларның назына
Сабыр ит китмә син, кал әле аз гына
Җәйләрнең җылысы күңелне кузгатты
Кичләре син булып тибрәтеп йоклатты

Тиңләдем мин сине иң җылы яңгырга
Тиңләдем кояшка, охшаттым давылга
Сагынудан чыгардай ашкынды йөрәгем
Мин сине бәхетнең үзенә тиңләдем