NAPOLETANO LIRICS - GUAPPARIA
Scetáteve, guagliune 'e malavita...
ca è 'ntussecosa assaje 'sta serenata:
Io sóngo 'o 'nnammurato 'e Margarita
Ch'è 'a femmena cchiù bella d''a 'Nfrascata!
Ll'aggio purtato 'o capo cuncertino,
p''o sfizio 'e mme fá sèntere 'e cantá...
Mm'aggio bevuto nu bicchiere 'e vino
pecché, stanotte, 'a voglio 'ntussecá...
Scetáteve guagliune 'e malavita!...
E' accumparuta 'a luna a ll'intrasatto,
pe' lle dá 'o sfizio 'e mme vedé distrutto...
Pe' chello che 'sta fémmena mm'ha fatto,
vurría ch''a luna se vestesse 'e lutto!...
Quanno se ne venette â parta mia,
ero 'o cchiù guappo 'e vascio â Sanitá...
Mo, ch'aggio perzo tutt''a guapparía,
cacciatemmenne 'a dint''a suggitá!...
Scetáteve guagliune 'e malavita!...
Sunate, giuvinò, vuttàte 'e mmane,
nun v'abbelite, ca stó' buono 'e voce!
I' mme fido 'e cantá fino a dimane...
e metto 'ncroce a chi...mm'ha miso 'ncroce...
Pecché nun va cchiù a tiempo 'o mandulino?
Pecché 'a chitarra nun se fa sentí?
Ma comme? chiagne tutt''o cuncertino,
addó' ch'avess''a chiagnere sul'i'...
Chiágnono sti guagliune 'e malavita!..
XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX
ITALIAN LIRICS - GUAPPERIA
Svegliatevi, ragazzi di malavita
Perché questa serenata fa molto arabbiare:
io sono l'innamorato di Margherita
che è la donna più bella del borgo!
Le ho portato un'orchestrina stupenda,
per il divertimento di farle sentirmi cantare
mi sono bevuto un bicchiere di vino
perché, questa notte, voglio farla incollerire
Svegliatevi, ragazzi di malavita!
II
E' apparsa la luna all'improvviso,
per darle la soddisfazione di vedermi distrutto
Per quello che mi ha fatto questa donna,
vorrei che la luna si vestisse a lutto!
Quando si mise con me,
ero il più guappo della Sanità
Ora, che ho perso tutta la guapperia,
cacciatemene dalla società!
Svegliatevi, ragazzi di malavita!
III
Suonate, giovanotti, sbrigatevi,
non avvilitevi, perché sono bene di voce!
Ce la faccio a cantare fino a domani
E metto in croce chi… mi ha messo in croce
Perché il mandolino non mantiene più il tempo?
Perché la chitarra non si fa sentire?
Ma come? Piange tutta l'orchestrina,
mentre dovrei piangere io solamente
Piangono questi ragazzi di malavita!
