Қабыл ал қарттарыңды жаңа ғасыр!
Әні: Айжігіт Асанов
Мәтіні: Сейітмұрат Ембергенов
-1-
Шерітіп шежіреңді бір жырлашы-
дедім де түспесін деп ұнжырғасы.
Қапталдап қарттығымды алып келдім,
Қабыл ал үшмыңыншы жылдың басы.
Таныссам тарихыммен тереңінен,
Өтіппіз небір соқпақ белеңінен-
Силаған уақыт ащы запыраны,
Төгіліп жатқан асып зереңінен.
Қ-сы: Кел ғасыр, жаңа ғасыр!
Қабыл ал қарттарыңды.
Қабыл ал қарттарыңды ,
Қабыл ал, жаңа ғасыр!
-2-
Бізге де сол зереңнен уыт тамды,
Бұл өмір жоғалуға жуық қалды.
Өткіздік басымыздан аштық-нәубет,
Сұрапыл соғыс, сойқан суықтарды.
Танытып тарпаң тағдыр тағлым-таным,
Дәлелдеп берді атар таңның барын.
Алауын азаттықтың мұзда жағып,
Өртеді өктемдіктің тамырларын.
Қ-сы: Кел ғасыр, жаңа ғасыр.
Қабыл ал қарттарыңды
Қабыл ал қарттарыңды
Қабыл ал, жаңа ғасыр!
-3-
Кел, ғасыр жиырма бірім қанаттанып,
Жан тербер жаңа леппен парақталып.
Қарттарың қуанышпен қарсы алады,
Ұлы елдің ұрпағымен дарақтанып.
Халқыма құт дарытып береке бер,
Елімен алпауыттар тең ете көр.
Қондырып әр ошаққа бақыт құсын,
Ұлассын мәңгілікке мерекелер.
Қ-сы: Кел ғасыр, жаңа ғасыр.
Қабыл ал қарттарыңды
Қабыл ал қарттарыңды
Қабыл ал, жаңа ғасыр!
