Алтайн уулсаас дорнын их тал хүртэл
Алтан говиос умрын хөглөгөр ногоон ой хөвч хүртэл
Цэлгэр уудам нутаг хангайн Монгол,говийн Монгол
Цээжинд лугших зүрх миний эх орон
Жижигхэн болжмор,аргаль,янгирын чуулган
Жимсний ялдамхан үнэр,намираа бороо,миний эх орон
Мөрөн голын эгшиг,морин хуурын уянгалаг аялгуу
Мөнгөн аягатай сүү Миний эх орон
Оосор бүчгүй цагаан өргөөнд
Онож төрсөн ховор заяа
Онгон нялхсаа тоонын нүдээр
Одтой ирмэлцсэн холч мөрөөдөлтэй
Омголон хүлгийн эрмэг зоон дээр
Онгод шуранхайлсан уртын дуу
Оюун төгс монгол түмний хүслэн эв нэгдэл ээ
Асар тэнгэрийн гэгээхэн өлгий
Алтан дэлхийн тэнүүхэн магнай
Азтайхан бидний зөөлөн өлгий
Алдхан биеийн гэрэлт диваажин
Амин харын эх орондоо минь ээ
Аагим халуунаас тэсгим жавар хүртэл
Анхил цэцэгсээс гангар цагаан цасан мөсөн хүртэл
Эргэх дөрвөн улирал тэнгэрийн Монгол,Азийн Монгол
Эгнэгт орших энхжин миний эх орон
Зуны наран,өвлийн салхины дуулал
Зуун зууны "Нууц-товчоо","Эрдэнийн эрхи" миний эх орон
Өргөө цагаан гэрүүд аргалийн анхилуун цэнхэр утаа
Өөдрөг гэгээний итгэл миний эх орон
Оосор бүчгүй цагаан өргөөнд
Онож төрсөн ховор заяа
Онгон нялхсаа тоонын нүдээр
Одтой ирмэлцсэн холч мөрөөдөлтэй
Омголон хүлгийн эрмэг зоон дээр
Онгод шуранхайлсан уртын дуу
Оюун төгс монгол түмний хүслэн эв нэгдэл ээ
Асар тэнгэрийн гэгээхэн өлгий
Алтан дэлхийн тэнүүхэн магнай
Азтайхан бидний зөөлөн өлгий
Алдхан биеийн гэрэлт диваажин
Амин харын эх орондоо минь ээ
Элсний ширхэг,мөнх цаст ноён оргил
Эрин үеийн орд харш,хүлгийн төвөргөөн миний эх орон
Эрдэнийн алтан соёмбо,ээлийн цагаахан хадаг
Эвийн ариун андгай миний эх орон
Хатан замба тивээс хан хурмаст хүртэл
Халиун зүлэгнээс эрхсийн алтан,мөнгөн одод хүртэл
Өндөр заяаллын нутаг дэлхийн Монгол,Чингисийн Монгол
Өөр хэнийх ч биш миний эх орон
Оосор бүчгүй цагаан өргөөнд
Онож төрсөн ховор заяа
Онгон нялхсаа тоонын нүдээр
Одтой ирмэлцсэн холч мөрөөдөлтэй
Омголон хүлгийн эрмэг зоон дээр
Онгод шуранхайлсан уртын дуу
Оюун төгс монгол түмний хүслэн эв нэгдэл ээ
Асар тэнгэрийн гэгээхэн өлгий
Алтан дэлхийн тэнүүхэн магнай
Азтайхан бидний зөөлөн өлгий
Алдхан биеийн гэрэлт диваажин
Амин харын эх орондоо минь ээ
