Йөрәгемдең түрендә
Халҡымдың рухи мираҫы,
Уралымдың ҡырҙары,
Башҡорт халҡының йырҙары.
Эй, эй,
Яратам мин халҡымды!
Эй, эй,
Яратам мин халҡымды!
Һоҡланам мин халҡымдың
Нәзәкәтле һылыуҙарына,
Бер ерҙә лә һынатмаҫ
Көслө рухлы батырҙарына.
Эй, эй,
Яратам мин халҡымды!
Эй, эй,
Яратам мин халҡымды!
Бәхетлемен тыуғанға
Ғәзиз Башҡортостанымда!
Бар йөрәктән һоҡланам
Тырыш һәм көслө халҡыма.
Эй, эй,
Яратам мин халҡымды!
Эй, эй,
Яратам мин халҡымды!
Сал тарихлы Уралдан,
Салауат, Аҡмулланан,
Дәртле, тырыш, көслө рухлы
Батырҙарҙан көс алам,
Илем, телем, халҡым тиеп
Ҡулына ҡорал алған,
Яуҙарҙа һынатмаған,
Тыуған ерен һаҡлаған.
Сал тарихлы халҡымдан
Һаман да мин көс алам,
Ата-бабам йолаларын,
Йырҙарын мин яратам!
Башҡорт халҡы дауам итер
Рухлы йәштәр барында,
Башҡортостан сәскә атыр
Бары һинең ҡулыңда!
