Альбина Елькина Ваньмыз ортче ^{Ожидает модерации}

Ваньмыз ортче, одно ортче ваньмыз.
Ортчоз гужем, сое воштоз сӥзьыл,
Ортче возьман, сое вошто малпаськонъёс,
Ортче мӧзмон, сое вошто лулӟылонъёс.

Ваньмыз ортче, одно ортче ваньмыз.
Ортче нунал, сое воштэ сьӧд уй,
Ортчо янгышанъёс, люкиськонъёс,
Соос сьӧры кылё ӧпкелёнъёс.

Ваньмыз ортче, одно ортче ваньмыз.
Ӝытлань секыт ке, возьма ӵукнаозь,
Выль нуналэн выль валэктон вуоз,
Кӧтӝож ортчоз но улэмед потоз.

Ваньмыз ортче, одно ортче ваньмыз.
Улон сыӵе, номыр кык пол уг луы.
Тон ул туннэ, тон лу шудо-шудо,
Нош ӵуказе? Созэ ни ӵуказе тодод.