Bulbullar ichra tinmas zabonman,
Hamon yoningdaman, tanangda jonman.
Agar oshiqlaring o’n mingta bo’lsa,
Bilgil-ki, alarning sardori menman. {x2}
Qo’llarim istagi tutmoqlik qo’ldan,
Istagim totmoqlik labdagi boldan.
Oshiqlaring kelsa gar mingta yo’ldan,
Bilgil-ki, eng avval kelgani menman.
Sevgiga sodiqlik shartini qo’ysang,
Shartni bajarmas deb, yoningdan quvsang,
Agar o’n mingtadan yuzta qoldirsang,
Bilgil-ki, yuztadan bittasi menman.
Keksalik degan so’z joy olsa dildan,
Yigitlik quvvati ketsa ham beldan,
Har kun gul olsang sen gar o’nta qo’ldan,
Bilgil-ki, eng avval gul tutgan menman, yosh yoray.
Falak falakligin qilsa nogahon,
Sendan yuz o’girsa hatto keng jahon,
Oshiqlardan qolsa bir nafar, inon,
Qolgan shul oshig’ing bilgil-ki menman, yosh yor-a.
Ko’zlaring bemahal yoshlarga to’lsa,
Agar dushmanlaring ustingdan kulsa,
Oshiqlaring agar hech kelmas bo’lsa,
Marhum ul Rasul Hamzat bilgil-ki menman.
Bulbullar ichra tinmas zabonman,
Hamon yoningdaman, tanangda jonman.
Oshiqlaring agar o’n mingta bo’lsa,
Bilgil-ki, alarning sardori menman. {x2}
