Кечирип кой өткөн менен кеткенди,
Биз самаган, биз жетпеген көптөрдү.
Эрте жазда, эңтелеткен нөшөрдү,
Көкүлүнөн гүл төгүлгөн көктөмдү.
Кайырма:
Кечирип кой, кечирип кой,
Кечирип кой өткөн менен кеткенди,
Көкүлүнөн гүл төгүлгөн көктөмдү.
Кечирип кой жаңылдымбы, жаздымбы?
Чачылганын жыйнабаган мастыкты.
Ай алдында ак чөлмөктү ыргытып,
Жылдыздардан чачмак алган жаштыкты.
Кайырма:
Кечирип кой, кечирип кой,
Кечирип кой жаңылдыкбы, жаздыкбы?
Чачылганын жыйнабаган мастыкты.
Проигрыш:
Кечирип кой кайрылбаган күндөрдү,
Кыялга мас, кызыл айлуу түндөрдү,
Өрттөн ысык, жүрөктөрдөн ачылып,
Колубуздан соолуп кеткен гүлдөрдү.
Кайырма:
Кечирип кой, кечирип кой,
Кечирип кой кайрылбаган түндөрдү,
Кыялга мас, кызыл айлуу күндөрдү
Кечирип кой, кечирип кой
Кечирип кой өткөн менен кеткенди
Кечирип кой биз жетпеген көптөрдү.
