ქუთაისო დედულეთო.
ქუთაისო ჩემო, ჩემო დედულეთო
გული საგულედან ლამის ამომენთოს
შენი ბაღის კიდე, ხავსიანი ეზო
ძველი ჯაჭვის ხიდი არ მოშალო ღმერთო
მომენატრე ძლიერ, გეფერები ბევრსო
ძველებურად მშვიდად თვლემს ბავშვობის ეზო
შემოვივლი გელათს, სათაფლიის მთებსო
რიონის პირს ჩუმად, უხმოდ დავღვრი ცრემლსო
მისამღერი:
ცა, ოცნებებით ავსებული ცა-
ყვავილებით დაფენილი გზა
რა ვინატრო, რა ვისურვო სხვა
მზე, მზე დაგნათის სიხარულის მზე
ოცნებებით ანთებული დღე --
ერთადერთო ჩემო სიცოცხლე.
ქუთაისო ჩემო, ჩემო დედულეთო --
გული საგულედან ლამის ამომენთო
ცისფერს შემოვავლებ ბაფთას ნატვრის ხესო
-შენ გიმღერებ ისევ გიორგობის თვესო.
ცა, ოცნებებით ავსებული ცა-
ყვავილებით დაფენილი გზა
რა ვინატრო, რა ვისურვო სხვა
მზე, მზე დაგნათის სიხარულის მზე
ოცნებებით ანთებული დღე --
ერთადერთო ჩემო სიცოცხლე.
ქუთაისო ჩემო, ჩემო დედულეთო
