Թե հնար լիներ լույս աշխարհ գալ մի օր նորից,
Կուզեի ծնվել ես իմ նույն հարազատ մորից,
Որ մանկության ջերմությունից պարուրեր,
Մայրս իր մետաքսե ձեռքերով ինձ բարուրեր։
ՄԱՄ ուզում եմ ես առաջվա պես օրոր ասես,
Քո անուշ ձայնով սրտիս հետ օրերով խոսես։
Թող քեզ ամուր, քեզ ամուր գրկեմ,
Սիրտը իմ կարոտից փրկեմ,
Ինձ համար հոսող արցունքներն աչքերիդ սրփեմ։
Փաթաթվիր ինձ ՄԱՄ քո գրկում ես մանուկ դառնամ,
Աշխարհի չափ ես քեզ սիրում եմ ՄԱՄ։
Երնեկ ջուր տայիր առաջվա պես քո նուրբ ափով,
Ինձ մանուկ զգայի, սիրեյի քեզ խղճի չափով,
Որ խաղաղայի ես անհոգ քո ծնկներին,
Որ ծնկի ես գայի խնդրեի ՄԱՄ ինձ ներիր։
ՄԱՄ ուզում եմ ես առաջվա պես օրոր ասես,
Քո անուշ ձայնով սրտիս հետ օրերով խոսես։
Թող քեզ ամուր, քեզ ամուր գրկեմ,
Սիրտը իմ կարոտից փրկեմ,
Ինձ համար հոսող արցունքներն աչքերիդ սրփեմ։
Փաթաթվիր ինձ ՄԱՄ քո գրկում ես մանուկ դառնամ,
Ես քեզ սիրում եմ ՄԱՄ։
ՄԱՄ ուզում եմ առաջվա պես օրոր ասես,
Քո անուշ ձայնով սրտիս հետ օրերով խոսես։
Թող քեզ ամուր, քեզ ամուր գրկեմ,
Սիրտը իմ կարոտից փրկեմ,
Ինձ համար հոսող արցունքներն աչքերիդ սրփեմ։
Փաթաթվիր ինձ ՄԱՄ քո գրկում ես մանուկ դառնամ,
Աշխարհի չափ ես քեզ սիրում եմ ՄԱՄ։
