Гомер буе мине көткәннәргә,
Тормышымны җырлы иткәннәргә.
Мине ташлап ятка киткәннәргә,
Бәхет телим, бары бәхет телим!
Кушымта:
Бәхет телим, бары бәхет телим!
Сезнең ярдәм белән өскә үрлим.
Бәхет телим сезгә иртә-кичен,
Тормышымда булганыгыз өчен.
Ничә гасыр мине сөйгәннәргә,
Әле хаман хәлем белгәннәргә,
Җирдән алып куккә чөйгәннәргә.
Бәхет телим, бары бәхет телим!
Йөрәгемне меңгә телгәннәргә,
Миңа төртеп, миннән көлгәннәргә,
Тере килеш таптап кумгәннәргә,
Бәхет телим, бары бәхет телим!
Гайбәтемне минем таратканга,
Канатларым каерып канатканга.
Яшәү тәмен шулай аңлатканга,
Бәхет телим, бары бәхет телим!
